Էսքրոու հաշիվը մեկանգամյա գործարքի կատարման համար նախատեսված բանկային հատուկ հաշիվ է, որը նախատեսված է ապրանքների, ծառայությունների, գույքերի և այլ արժեքների առքուվաճառքի գործարքների կատարման դիմաց վճարման ապահովման համար:

Բանկը գումարը վճարում է Էսքրոու պայմանագրում նշված կողմին` ստանձնած պարտավորությունների կատարման փաստաթղթային ապացույցի ներկայացման դեպքում: Եթե պայմանագրի կողմերից մեկը ստանձնած պարտավորությունները չի կատարում ժամկետին կամ կատարում է ոչ պատշաճ, էսքրոու հաշվի գումարը վերադարձվում է գումարը մուտքագրած կողմին: